Բացւել է ռազմաարդիւնաբերական ձեռքբերումների ցուցահանդէսը
ՀՀ Պաշտպանութեան նախարարութեան համալիրում այսօր բացւեց Հայաստանում արտադրւող ռազմական տեխնիկայի և սպառազինութեան տեսականու ցուցահանդէսը, որին ներկայացւած էին մի քանի տասնեակ տեղական արտադրող ձեռնարկութիւններ և գիտական հիմնարկութիւններ:
Ցուցադրութեան տեսականին բազմազան է. զրահատեխնիկայից և զինւորական յատուկ համազգեստներից մինչև բարդ ռադիոտեխնիկական և օպտիկա-էլեկտրոնային սարքաւորումները, պահեստամասեր: Ներկայացւել են նաև ռազմական արւեստի ուսուցման նպատակով ստեղծւած տարբեր համակարգչային ծրագրեր, հետախուզութեան և հակահետախուզութեան ռադիոէլեկտրոնային տարբեր սարքաւորումներ, միջազգային օրէնքներով թույլատրւող զինամթերքների լայն տեսականի: Առաւել մեծ ուշադրութեան էին արժանի սպառազինութեան և ռազմական տեխնիկայի նորամուտ մի քանի արտադրատեսակները, որոնք մօտակայ ժամանակներում յանձնւելու են զինւած ուժերի շահագործմանը:Թէև Հայաստանում արտադրւում է ռազմական նշանակութեան աւելի քան 2000 անւանատեսակ, ցուցահանդէսում ներկայացւած է ռազմական տեխնիկայ արտադրող ձեռնարկութիւնների և տեսականու միայն մի մասը:
Ռազմական արդիւնաբերութեան ձեռքբերումների ցուցահանդէսին, որն, ի դէպ, երկրորդն է ընթացող տարում, ժամանեցին նաև ՀՀ էկոնոմիկայի նախարար Ներսէս Երիցեանն ու ԳԱԱ նախագահ Ռադիկ Մարտիրոսեանը:
Պաշտպանութեան նախարար Սէյրան Օհանեանի հետ միասին նրանք շրջեցին տաղաւարներով և ծանօթացան ռազմական արդիւնաբերութեան նորամուտ տեսականուն, որի զգալի մասը գիտական լուրջ հետազոտութիւնների արդիւնքներն են:
ԱՅՍՕՐ, 13:30
Aysor.am
Posts
0 Պատգամ:
Post a Comment