Որոշե՞լ են կոծկել Նւէր Մնացականեանի գործը
17:56 / 18.08.2009
«Շանթ» հեռուստաընկերութեան մեկնաբան Նւէր Մնացականեանի դէմ մայիսի 6-ի գիշերը կատարւած յարձակման կապակցութեամբ հարուցւած քրէական գործում հետաքրքիր նոր մանրամասներ են ի յայտ գալիս:
NEWS.am-ը դեռ Յուլիսի 23-ին էր գրել, որ լրագրողի վրայ յարձակումը բացայայտւել է, իսկ դրա հեղինակը Ազգային Ժողովի պատգամաւորներից մէկն էր, որը, անձնական հաշիւներ ունենալով Մնացականեանի հետ, օգտւել է ստեղծւած յարմար պահից, եւ իր սափրագլուխներին ուղարկել՝ ծեծի ենթարկելու Մնացականեանին: Ոստիկանութիւնն այնուհետեւ հերքեց բացայայտման մասին լուրը:Յիշեցնենք, որ մայիսի 6-ին, ժամը 00.02-ին Մարգարեան փողոցի թիւ 20/3 շէնքի 1-ին մուտքի դիմաց 2 անյայտ անձինք ծեծի էին ենթարկել «Շանթ» հեռուստաընկերութեան հեռուստահաղորդավար Նւէր Մնացականեանին եւ դիմել փախուստի: Հեռուստալրագրողը վնասւածքներ էր ստացել գլխին, ձեռքին եւ ոտքին:
Պարզւում է, որ մեր հրապարակումից օրեր անց ոստիկանութիւնը ձերբակալել է 2 հոգու:
Ոստիկանութիւնից NEWS.am-ին յայտնեցին, որ այս գործով ձերբակալւել են Էջմիածին քաղաքի բնակիչներ, 1987թ. ծնւած Դավիթ Խաչատրեանն ու Վահէ Թադէոսեանը, որոնց նկատմամբ խափանման միջոց է ընտրւել հանրապետութիւնից չբացակայելու ստորագրութիւնը:
Զաւեշտալին այն է, որ ձերբակալւածներին մեղադրանք է առաջադրւել ոչ թէ սկզբնապէս յարուցւած մեղադրանքով՝ միջին աստիճանի վնասւածք հասցնելու համար, այլ Քրէական օրէնսգրքի այլ՝ թեթեւ մարմնական վնասւածք հասցնելու մեղադրանքով, եւ դրա համար պատիժն էլ աւելի թեթեւ է լինելու:
Իսկ դա լուրջ կասկածներ է յարուցում, որ գործը քննող իրաւապահները ուղղակի քաւութեան նոխազներ են գտել, որոնց գլխին էլ բարդելու են լրագրողին ծեծի ենթարկելու մեղքը, իսկ իրական մեղաւորներն ու պատասխանատուները մնալու են անպատիժ:
Զարմանալի է նաեւ ոստիկանութեան տւած բացատրութիւնը յանցագործութեան դրադապատճառների մասին, իբր երիտասարդները,Նւէր Մնացականեանին ծեծի ենթարկելով, պարզապէս խուլիգանութիւն են արել, եւ ոչ աւելին:
Ի դէպ, Նւէր Մնացականեանից մեկնաբանութիւններ ստանալ մեզ չյաջողւեց: «Շանթ» հեռուստաընկերութիւնից NEWS.am-ին յայտնեցին, որ Նւէր Մնացականեանը օգոստոսի 15-ից մեկնել է արձակուրդի:
Զարմանալի է նաեւ ոստիկանութեան տւած բացատրութիւնը յանցագործութեան դրադապատճառների մասին, իբր երիտասարդները,Նւէր Մնացականեանին ծեծի ենթարկելով, պարզապէս խուլիգանութիւն են արել, եւ ոչ աւելին:
Ի դէպ, Նւէր Մնացականեանից մեկնաբանութիւններ ստանալ մեզ չյաջողւեց: «Շանթ» հեռուստաընկերութիւնից NEWS.am-ին յայտնեցին, որ Նւէր Մնացականեանը օգոստոսի 15-ից մեկնել է արձակուրդի:
NEWS.am
Posts
0 Պատգամ:
Post a Comment