Գուրգէն Եղիազարեան.–
Արձանագրութիւները ծայրից ծայր նախապայմաններ են պարունակում
«Այս գործընթացը պէտք է դադարեցնել և ժամ առաջ գործող իշխանութիւններից ազատւել»
18:03 • 25.03.10
Ազգային անվտանգութեան նախկին փոխնախարար Գուրգէն Եղիազարեանն այսօրւայ ասուլիսին անդարադառնալով Հայ-թրքական յարաբերութիւններին` նշեց, որ ֆուտբոլային դիւանագիութեան մէջ Հայաստանը պարտութիւն է կրել:
«Յետոյ այդ ամէնն անդրադարձաւ մեր արտաքին քաղաքականութեան վրայ: Մենք դարեր շարունակ թուրքերից գլուխ չենք հանել, այսօր էլ չեն հանի, թուրքերն այն պրիմիտիւ տրեխներով ազգը չեն, ինչի մասին մենք մտածում և խօսում ենք: Թուրքիան այսօր ժամանակակից երկիր է, ցաւօք, մեզանից շատ առաջ: Եւ թուրքերը ոչինչ պատահական չեն անում: Մենք ամբողջ պատմութեան վրայ խաչ քաշելով` սկսեցինք թուրքերի հետ խօսել ինչ-որ տարօրինակ բաների մասին»,- նշեց նա:Եղիազարեանը խայտառակութիւն համարեց այն, որ պէտք է Ցեղասպանութեան հարցով պատմաբանների յանձնաժողով ստեղծւի: «Հայերը պարբերաբար կոտորւել են թուրքերի կողմից: Մենք հիմա պէտք է պատմաբանների յանձնաժողով ստեղծենք, որպէսզի այդ իրողութիւնները քննութեա՞ն առնենք»,- հարցադրում արեց նա:
Ըստ բանախօսի` վաղուց յայտնի էր, որ Հայ-թրքական արձանագրութիւններն իրենց մէջ նախապայմաններ են պարունակում: «Երբ մենք ասում էինք, որ նախապայմաններ գոյութիւն ունեն այդ ֆուտբոլային կոչւած յիմարութեան շուրջ, ասում էին ոչ մի նախապայման չկայ: Յետոյ պարզւեց, որ մէկ նախապայման չէ, երկուսը չէ, երեքը չէ, չորսը չէ: Ծայրից ծայր այդ փաստաթուղթը նախապայմաններ է պարունակում»,- ասաց նա:
Եղիազարեանը համոզւած է, որ այս արձանագրութիւնները Թուրքիայի ձեռքով և Թուրքիայի համար են գրւած, սակայն անգամ այս պայմաններում թուրքերը դրանց դէմ են:
Նախկին պաշտօնեան համոզւած է` այս գործընթացը պէտք է դադարեցնել և ժամ առաջ գործող իշխանութիւններից ազատւել: «Շատ արագ պէտք է գնանք նախագահական, Ազգային ժողովի ընտրութիւններին, ազգովի նախագահ ընտրենք»,- նշեց նա:
Tert.am
Posts
0 Պատգամ:
Post a Comment