Ռազմաբազայի տեղեկութեան էֆեկտը.
Ադրբեջանը վերջին օրերին նւազեցրել է ռազմատենչ
յայտարարութիւնները
14:30 • 18.08.10
Հայաստանում ռուսական ռազմաբազայի գործունէութեան ժամկէտի երկարաձգման մասին յայտարարութիւններից յետոյ վերջին օրերին նւազել են Ադրբեջանից հնչող ռազմատենչ յայտ
արարութիւնները։ Այսօր կայացած մամուլի ասուլիսի ժամանակ լրագրողների ուշադրութիւնը այս հանգամանքի վրայ հրաւիրեց քաղաքագէտ, Կովկասի ինստիտուտի փոխտնօրէն Սերգէյ Մինասեանը։ Հարցին, թէ արդեօ՞ք քաղաքագէտը կիսում է այն կարծիքը, որ Ռուսաստանը զինելով տարածաշրջանի երկրներին, խրախուսում է պատերազմի վերսկսումը, Սերգէյ Մինասեանը պատասխանեց. «Տարածաշրջանում պատերազմի վերսկսմանը կարելի է նպաստել, եթէ զէնք–զինամթերք ես տալիս կողմերից միայն մէկին՝ խախտելով հաւասարակշռութիւնը»։ Քաղաքագէտն առհասարակ մօտակայ ժամանակներում Ղարաբաղեան պատերազմի վերսկսումը հնարաւոր չի համարում։Теrt.am– ի հետ զրոյցում Կովկասի ինստիտուտի փոխտնօրէնը պարզաբանեց, թէ ինչու ինքը հաւանական չի համարում պատերազմի վերսկսումը։ «Որովհետև պատերազմի գինը շատ թանկ է բոլոր երկրների համար՝ յատկապէս այն երկրի համար, որը կսկսի ռազմական գործողութիւնները, և եթէ Ադրբեջանն սկսի պատերազմ, երկար պիտի մտածի, կորուստների և հնարաւոր խնդիրների մասին, որը կարող է ունենալ ինքը»։
«Ռուս–վրացական պատերազմը բաւական յստակ ցույց տւեց, որ եթէ երկիրն սկսի պատերազմը և չյաղթի, ինքը կը կորցնի նաև այն, ինչ ունէր»,– նկատեց Մինասեանը՝ յաւելելով. «Հասկանալի է, որ այդ պատերազմի արդիւնքում Հայաստանն առաջինը կճանաչի ԼՂ անկախութիւնը, և հնարաւոր է՝ այլ երկրներ էլ ճանաչեն, իսկ ինչ վերաբերում է ռազմական գործողութիւններին, ապա լուրջ խնդիրներ կան Ադրբեջանի առջև՝ և՛ Ռուսաստանի գործօնը, և՛ Արևմուտքի գործօնը»։
Tert.am
Posts
0 Պատգամ:
Post a Comment