Today’s Zaman.-

Հրանտ Դինքն ու Գաբրիէլ Գիֆորդսը

«Մահից առաջ Հրանտ Դինքը գրեց, որ իրեն դիտաւորեալ դարձնում են թիրախ: Իսկ նրա մահից չորս տարի անց դատախազները չեն ուզում որեւէ կապ տեսնել: Չեն ուզում տեսնել Դինքի սպանութեան անպատիժ մնալը: Այսօր Թուրքիայում բոլորին միաւորում է միայն աչք փակելու ցանկութիւնը»


Յունւար 14, 2011 01:34
NEWS.am-ը ներկայացնում է Էնդրիւ Ֆինկելի յօդւածը, որը հրապարակել է թրքական Today’s Zaman-ը:
Գնդակը, որն անցաւ ԱՄՆ կոնգրէսական Գաբրիէլ Գիֆորդսի գլխի միջով կարծես մտել է ամերիկացի մեկնաբանների գիտակցութիւնը եւ քաղաքական վերնախաւին թոյլ է տւել դուրս գալ կոմայից: Ոչ ոք չի կասկածում, որ յարձակւողը հոգեական խանգարում ունի: Սակայն հնարաւոր է, որ յանցագործի խելայեղութիւնն ու ատելութիւնը խթանւել է իր երկրի քաղաքական դիսկուրսով:
Յաջորդ շաբաթ հայկական թերթի խմբագիր Հրանտ Դինքի սպանութեան չորրորդ տարելիցն է: Ամերիկացի յանցագործի նման Դինքի սպանողին եւս բռնեցին, սակայն թուրք ոստիկանները սկսեցին լուսանկարւել երիտասարդ մարդասպանի հետ` նրան համարելով հերոս:
Ի տարբերութիւն ամերիկեան ոճրագործութեան Դինքի սպանութիւնից յետոյ տպաւորութիւն էր ստեղծւել, որ վայրագութիւնը ցանկանում էին նաեւ իշխանութիւնները:
Դինքի ընտանիքի փաստաբան Ֆետհիե Չեթինը հրապարակել է Դինքի մահւան չորրորդ տարւայ զեկոյցը, որտեղ փաստագրօրէն ներկայացւած են պետական պաշտօնեաների վարքը: Այն պաշտօնեաների, որոնք Դինքին պարբերաբար դարձնում էին հասարակական դժգոհութեան թիրախ:
Գիֆորդսը մարգարէի նման քննադատել էր Սարա Փէյլինի սադրիչ քայլերը: Փէյլինի ֆէյսբուքեան քարտէզում Գիֆորդսը ոչնչացման ենթակայ թիրախ էր:
Շատ աւելի նիւթական էր Հրանտ Դինքին որպէս թիրախ ներկայացնելը: Այժմ ակնյայտ է դառնում, որ դրանք միայն հռետորութիւն չէին, այլ` բռնութեան սադրանքի մտացւած ռազմավարութիւն էր:
2004-ին Ստամբուլի փոխնահանգապետը հետախուզութեան աշխատակիցների ներկայութեամբ Դինքի հետ զրուցել էր մի խմբագրականի մասին: Այդ յօդւածում Դինքը գրում էր, որ Աթաթուրքի հոգեդուստր Սաբիհա Գեկչենը Հայ էր, որը որբ էր դարձել 1915-ին: Հետախուզութեան այդ աշխատակիցները հետագայում մեղադրեալ էին Էրգենեկոնի գործով:
Մահից առաջ Հրանտ Դինքը գրեց, որ իրեն դիտաւորեալ դարձնում են թիրախ: Իսկ նրա մահից չորս տարի անց դատախազները չեն ուզում որեւէ կապ տեսնել: Չեն ուզում տեսնել Դինքի սպանութեան անպատիժ մնալը: Այսօր Թուրքիայում բոլորին միաւորում է միայն աչք փակելու ցանկութիւնը:

Լուրեր Հայաստանից - NEWS.am


0 Պատգամ: