Գերմանիայի կառավարութիւնը տառացիօրէն կրկնօրինակել է Ցեղասպանութեան շուրջ գիտական յանձնաժողովի ստեղծման թուրքական զառանցանքը !!!
18:05 / 03.03.2010
«Գերմանիայի Դաշնային կառավարութիւնը կարծում է, որ պէտք է պատմաբաններից եւ գիտնականներից կազմւած մի անկախ յանձնաժողով ստեղծւի, որը կուսումնասիրի Օսմանեան Թուրքիայում 1915 թ. տեղի ունեցած իրադարձութիւնները։ Դաշնային կառավարութիւնն, իր հերթին, արդէն բացել եւ հասանելի է դարձրել այդ ուսումնասիրութիւնների համար անհրաժեշտ փաստաթղթերը»,- ասւում է գերմանական Բունդեստագի պատգամաւորների կողմից 1915թ. Օսմանեան Թուրքիայում տեղի ունեցած Հայոց Ցեղասպանութեան մասին հարցմանն ի պատասխան շարադրւած Գերմանիայի կառավարութեան նամակում։
Իրենց հերթին, կառավարութեանը հարցում արած պատգամաւորները դժգոհ են մնացել այդ պատասխանից։ «Գերմանիայի Դաշնային կառավարութեան՝ 1915թ. Հայոց Ցեղասպանութեան մասին պատասխանը փախուստ է քաղաքական պատասխանատւութիւնից»,- յայտարարել է Բունդեստագի մարդու իրաւունքների հարցերով յանձնաժողովի անդամ Կատրին Վերները։
Նա նշել է, որ Դաշնային կառավարութիւնը խուսափում է այն պատասխանից, թէ «ցեղասպանութի՞ւն» են հանդիսանում արդեօք Օսմանեան Թուրքիայում 1915 թ. տեղի ունեցած հայերի զանգւածային սպանութիւնները։ «Դաշնային կառավարութեան դիրքորոշումը հարւած է Գերմանիայի Հայ համայնքին, որը մինչ օրս պայքարել է, որպէսզի իր ողբերգական ճակատագիրը ճանաչւի որպէս ցեղասպանութիւն։ Սրանով կառավարութիւնը շրջանցել է նոյնիսկ Բունդեստագին, որտեղ գոնէ կարող էին ափսոսանք յայտնել հայերի զանգւածային կոտորածների առնչութեամբ»,- նկատել է պատգամաւորը։ Նրա խօսքով, Դաշնային կառավարութեան դիրքորոշումը պատմութեան մոռացում եւ քաղաքական պատասխանատւութեան բացակայութիւն է նշանակում։ «Կարելի է հարց տալ, թէ Թուրքիան ինչպէ՞ս պէտք է ճանաչի Հայոց Ցեղասպանութիւնը, եթէ Գերմանիայի Դաշնային կառավարութիւնը հրաժարւում է անել դա»,- զարմանում է Վերները։ Հետեւութիւնը մէկն է. անհրաժեշտ է դպրոցներում ուսումնասիրել այս ողբերգութիւնը,- ընդգծել է պատգամաւորը։
Գերմանիայի դաշնային կառավարութեան նման տարօրինակ պատասխանի պատճառը բնական է, քանզի այնտեղ ապրում է շուրջ 3 միլիոն թուրք եւ ադրբեջանցի, եւ կառավարութիւնը չի ցանկանում աւելորդ խնդիրներ ունենալ նրանց հետ։ Բացի այդ, Գերմանիայի թուրքերը, ի տարբերութիւն եւրոպական այլ երկրների, քաղաքական ակտիւութիւն են դրսեւորում։ Պատահական չէ, որ մինչ օրս Գերմանիան չի ճանաչել Հայոց Ցեղասպանութիւնը։ Չնայած այդ երկիրը աւելի, քան եւրոպական ցանկացած պետութիւն, վկայ ու, կարելի է ասել, մասնակից է Թուրքիայում իրագործւած Մեծ ոճիրին, եւ Գերմանիայի արխիւներում հսկայական քանակութեամբ վաւերագրական նիւթեր կան՝ Ցեղասպանութեան հետ կապւած։
Իրենց հերթին, կառավարութեանը հարցում արած պատգամաւորները դժգոհ են մնացել այդ պատասխանից։ «Գերմանիայի Դաշնային կառավարութեան՝ 1915թ. Հայոց Ցեղասպանութեան մասին պատասխանը փախուստ է քաղաքական պատասխանատւութիւնից»,- յայտարարել է Բունդեստագի մարդու իրաւունքների հարցերով յանձնաժողովի անդամ Կատրին Վերները։
Նա նշել է, որ Դաշնային կառավարութիւնը խուսափում է այն պատասխանից, թէ «ցեղասպանութի՞ւն» են հանդիսանում արդեօք Օսմանեան Թուրքիայում 1915 թ. տեղի ունեցած հայերի զանգւածային սպանութիւնները։ «Դաշնային կառավարութեան դիրքորոշումը հարւած է Գերմանիայի Հայ համայնքին, որը մինչ օրս պայքարել է, որպէսզի իր ողբերգական ճակատագիրը ճանաչւի որպէս ցեղասպանութիւն։ Սրանով կառավարութիւնը շրջանցել է նոյնիսկ Բունդեստագին, որտեղ գոնէ կարող էին ափսոսանք յայտնել հայերի զանգւածային կոտորածների առնչութեամբ»,- նկատել է պատգամաւորը։ Նրա խօսքով, Դաշնային կառավարութեան դիրքորոշումը պատմութեան մոռացում եւ քաղաքական պատասխանատւութեան բացակայութիւն է նշանակում։ «Կարելի է հարց տալ, թէ Թուրքիան ինչպէ՞ս պէտք է ճանաչի Հայոց Ցեղասպանութիւնը, եթէ Գերմանիայի Դաշնային կառավարութիւնը հրաժարւում է անել դա»,- զարմանում է Վերները։ Հետեւութիւնը մէկն է. անհրաժեշտ է դպրոցներում ուսումնասիրել այս ողբերգութիւնը,- ընդգծել է պատգամաւորը։
Գերմանիայի դաշնային կառավարութեան նման տարօրինակ պատասխանի պատճառը բնական է, քանզի այնտեղ ապրում է շուրջ 3 միլիոն թուրք եւ ադրբեջանցի, եւ կառավարութիւնը չի ցանկանում աւելորդ խնդիրներ ունենալ նրանց հետ։ Բացի այդ, Գերմանիայի թուրքերը, ի տարբերութիւն եւրոպական այլ երկրների, քաղաքական ակտիւութիւն են դրսեւորում։ Պատահական չէ, որ մինչ օրս Գերմանիան չի ճանաչել Հայոց Ցեղասպանութիւնը։ Չնայած այդ երկիրը աւելի, քան եւրոպական ցանկացած պետութիւն, վկայ ու, կարելի է ասել, մասնակից է Թուրքիայում իրագործւած Մեծ ոճիրին, եւ Գերմանիայի արխիւներում հսկայական քանակութեամբ վաւերագրական նիւթեր կան՝ Ցեղասպանութեան հետ կապւած։
Լուրեր Հայաստանից
Posts
0 Պատգամ:
Post a Comment