Քաղաքական ուժերի ներկայացուցիչները մեկնաբանում են նախագահի առաջարկը Ադրբեջանին22.03.2010
Ռուբէն Մելոյեան
Հայաստանեան քաղաքական ուժերի ներկայացուցիչները երկուշաբթի օրը «Ազատութիւն» ռադիոկայանի խնդրանքով իրենց կարծիքը յայտնեցին Euronews հեռուստաընկերութեանը տւած հարցազրոյցում նախագահ Սերժ Սարգսեանի առաջարկը Ադրբեջանին՝ ստորագրել ուժի չկիրառման մասին համաձայնագիր:
Սերժ Սարգսեանի գլխաւորած Հանրապետական կուսակցութեան փոխնախագահ Ռազմիկ Զոհրաբեանը «բնական» որակեց առաջարկը:
«Իհարկէ, միշտ էլ ճիշտ է կնքել համաձայնագրեր հարեւան պետութիւնների հետ փոխադարձ վստահութիւն ունենալու համար, որ յարձակում չի լինի», - ասաց իշխող կուսակցութեան ղեկավար ներկայացուցիչը: - «Բաւականին խորը գաղափար կայ դրա տակ, որովհետեւ այդ սկզբունքը ընդունւած է միջազգային հանրութեան կողմից»:
Ընդդիմութեան ներկայացուցիչ Լեւոն Զուրաբեանի գնահատմամբ, մինչդեռ, Սերժ Սարգսեանի նախաձեռնողական քաղաքականութիւնը «տարել է դէպի դիւանագիտական փակուղի»:
Զուրաբեանի պարզաբանմամբ՝ Սերժ Սարգսեանի հաշւարկով, «Ցեղասպանութեան ուրացման քաղաքականութիւնը պէտք է նւազեցնէր ճնշումները Ղարաբաղի հարցում, այնինչ տեղի է ունենում հակառակը. միջազգային հանրութիւնը Հայաստանի նախագահին շատ յստակ երկընտրանքի առաջ է կանգնեցնել՝ «լուծել Ղարաբաղի հարցը կամ շատ լուրջ խնդիրներ ունենալ»:
«Այս ամէնը ցոյց է տալիս, որ Սերժ Սարգսեանը իսկապէս խճճւել է այս դիւանագիտութեան մէջ: Եւս մէկ ապացոյցը հէնց այն առաջարկն է, որը նա անում է», - յաւելեց նա:
«Մի քիչ զարմանալի է, թէ ինչո՞ւ է նա այդ առաջարկը անում ոչ թէ պատշաճ ձեւով՝ բանակցութիւնների սեղանին, այլ մամուլի միջոցով: Տարօրինակ ֆրազ է հնչում՝ եկէք ստորագրենք այդ պայմանագիրը, որից յետոյ կսկսենք բանակցութիւնները: Իսկ 92 թւից սկսած մենք ինչո՞վ ենք զբաղւած... Այսինքն սա մի աբսուրդ է, լի հակասութիւններով, որը ցոյց է տալիս, որ Սերժ Սարգսեանը այլեւս չի տիրապետում բանակցային պրոցեսին», - եզրափակեց Լեւոն Զուրաբեանը:
Դաշնակցութեան բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը «Ազատութիւն» ռադիոկայանի հետ զրուցում ողջունեց Սերժ Սարգսեանի նախաձեռնութիւնը: Դաշնակցութիւնը, ըստ Մանոյեանի, դեռ երկու տարի առաջ էր ասում, թէ Հայաստանը չպէտք է շարունակի Ղարաբաղեան հակամարտութեան շուրջ խաղաղ բանակցութիւնները, քանի դեռ Արդբեջանի հետ չի ստորագրւել ուժի չկիրառման մասին համաձայնագիր:
Իսկ եթէ, Մանոյեանի խօսքով՝ Հայաստանի իշխանութիւնները իրօք ձգտում են տեղաշարժ արձանագրել Ղարաբաղեան գործընթացում (ասել է, թէ՝ «ստիպել Ադրբեջանին ստորագրել այդ համաձայնագիրը) եւ ապահովել բանակցութիւններին Լեռնային Ղարաբաղի ուղղակի մասնակցութիւնը»), ապա «պաշտօնական Երեւանը պէտք է յայտարարի, որ Հայ-թրքական կարգաւորման գործընթացը տապալւել է»:
«Կարելի չէ բանակցութիւններ վարել՝ եթէ միշտ սպառնալիք կայ պատերազմ վերսկսելու», - յաւելեց Մանոյեանը:
Խորհրդարանական ընդդիմութեան ներկայացուցիչ, «Ժառանգութիւն» կուսակցութեան վարչութեան նախագահ, պատգամաւոր Արմէն Մարտիրոսեանը այս կապակցութեամբ ասաց. - «Խնդիրը եթէ վերաբերում է նրան, որ ստորագրեն նմանատիպ պայնամագիր, որպէսզի վստահութիւն առաջանայ, ես չեմ կարծում, որ դա լաւագոյն ելքն է: Մանաւանդ՝ եթէ ընդունում ենք այն ճշմարտութիւնը, որ արդէն իսկ ստորագրւած է: Կարծում եմ՝ լաւագոյն վստահութեան ուղին դա Լեռնային Ղարաբաղի անկախութեան ճանաչումն է Հայաստանի եւ Ադրբեջանի կողմից»:
Սերժ Սարգսեանի գլխաւորած Հանրապետական կուսակցութեան փոխնախագահ Ռազմիկ Զոհրաբեանը «բնական» որակեց առաջարկը:
«Իհարկէ, միշտ էլ ճիշտ է կնքել համաձայնագրեր հարեւան պետութիւնների հետ փոխադարձ վստահութիւն ունենալու համար, որ յարձակում չի լինի», - ասաց իշխող կուսակցութեան ղեկավար ներկայացուցիչը: - «Բաւականին խորը գաղափար կայ դրա տակ, որովհետեւ այդ սկզբունքը ընդունւած է միջազգային հանրութեան կողմից»:
Ընդդիմութեան ներկայացուցիչ Լեւոն Զուրաբեանի գնահատմամբ, մինչդեռ, Սերժ Սարգսեանի նախաձեռնողական քաղաքականութիւնը «տարել է դէպի դիւանագիտական փակուղի»:
Զուրաբեանի պարզաբանմամբ՝ Սերժ Սարգսեանի հաշւարկով, «Ցեղասպանութեան ուրացման քաղաքականութիւնը պէտք է նւազեցնէր ճնշումները Ղարաբաղի հարցում, այնինչ տեղի է ունենում հակառակը. միջազգային հանրութիւնը Հայաստանի նախագահին շատ յստակ երկընտրանքի առաջ է կանգնեցնել՝ «լուծել Ղարաբաղի հարցը կամ շատ լուրջ խնդիրներ ունենալ»:
«Այս ամէնը ցոյց է տալիս, որ Սերժ Սարգսեանը իսկապէս խճճւել է այս դիւանագիտութեան մէջ: Եւս մէկ ապացոյցը հէնց այն առաջարկն է, որը նա անում է», - յաւելեց նա:
«Մի քիչ զարմանալի է, թէ ինչո՞ւ է նա այդ առաջարկը անում ոչ թէ պատշաճ ձեւով՝ բանակցութիւնների սեղանին, այլ մամուլի միջոցով: Տարօրինակ ֆրազ է հնչում՝ եկէք ստորագրենք այդ պայմանագիրը, որից յետոյ կսկսենք բանակցութիւնները: Իսկ 92 թւից սկսած մենք ինչո՞վ ենք զբաղւած... Այսինքն սա մի աբսուրդ է, լի հակասութիւններով, որը ցոյց է տալիս, որ Սերժ Սարգսեանը այլեւս չի տիրապետում բանակցային պրոցեսին», - եզրափակեց Լեւոն Զուրաբեանը:
Դաշնակցութեան բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը «Ազատութիւն» ռադիոկայանի հետ զրուցում ողջունեց Սերժ Սարգսեանի նախաձեռնութիւնը: Դաշնակցութիւնը, ըստ Մանոյեանի, դեռ երկու տարի առաջ էր ասում, թէ Հայաստանը չպէտք է շարունակի Ղարաբաղեան հակամարտութեան շուրջ խաղաղ բանակցութիւնները, քանի դեռ Արդբեջանի հետ չի ստորագրւել ուժի չկիրառման մասին համաձայնագիր:
Իսկ եթէ, Մանոյեանի խօսքով՝ Հայաստանի իշխանութիւնները իրօք ձգտում են տեղաշարժ արձանագրել Ղարաբաղեան գործընթացում (ասել է, թէ՝ «ստիպել Ադրբեջանին ստորագրել այդ համաձայնագիրը) եւ ապահովել բանակցութիւններին Լեռնային Ղարաբաղի ուղղակի մասնակցութիւնը»), ապա «պաշտօնական Երեւանը պէտք է յայտարարի, որ Հայ-թրքական կարգաւորման գործընթացը տապալւել է»:
«Կարելի չէ բանակցութիւններ վարել՝ եթէ միշտ սպառնալիք կայ պատերազմ վերսկսելու», - յաւելեց Մանոյեանը:
Խորհրդարանական ընդդիմութեան ներկայացուցիչ, «Ժառանգութիւն» կուսակցութեան վարչութեան նախագահ, պատգամաւոր Արմէն Մարտիրոսեանը այս կապակցութեամբ ասաց. - «Խնդիրը եթէ վերաբերում է նրան, որ ստորագրեն նմանատիպ պայնամագիր, որպէսզի վստահութիւն առաջանայ, ես չեմ կարծում, որ դա լաւագոյն ելքն է: Մանաւանդ՝ եթէ ընդունում ենք այն ճշմարտութիւնը, որ արդէն իսկ ստորագրւած է: Կարծում եմ՝ լաւագոյն վստահութեան ուղին դա Լեռնային Ղարաբաղի անկախութեան ճանաչումն է Հայաստանի եւ Ադրբեջանի կողմից»:
«Ազատութիւն»
Posts
0 Պատգամ:
Post a Comment