Րաֆֆի Յովհաննիսեան.–
Նախագահը պէտք է արմատապէս փոխի արտաքին եւ ներքին քաղաքականութիւնը, կամ հրաւիրի արտահերթ ընտրութիւններ
Նախագահը պէտք է արմատապէս փոխի արտաքին եւ ներքին քաղաքականութիւնը, կամ հրաւիրի արտահերթ ընտրութիւններ
«Միայն ստորագրութիւնները յետ կանչելով խնդիրը չի լուծւի. Հայաստանն իր քաղաքականութիւնը էապէս փոխելու անհրաժեշտութիւն ունի»
«Արդեօ՞ք նախագահը վերադառնում է ազգային, պետական եւ քաղաքացիական ուղի, թէ՞ իրականցանում է բլեֆի մարտավարութիւն։
21:46 / 16.04.2010
Սերժ Սարգսեանը պէտք է հրաւիրի արտահերթ նախագահական եւ խորհրդարանական ընտրութիւններ կամ պէտք է արմատապէս փոխի իր արտաքին եւ ներքին քաղաքականութիւնը:
Այս մասին «Ազատութիւն» ռադիոկայանին հետ զրոյցում նշել է «Ժառանգութիւն» կուսակցութեան առաջնորդ Րաֆֆի Յովհաննիսեանը: «Կա'մ պիտի բովանդակային շրջադարձ կատարի եւ իր արտաքին եւ ներքին քաղաքական հիմքերը էապէս փոխի, կա'մ պէտք է հրաւիրի համապետական նոր ընտրութիւններ: Միայն պարբերաբար սփիւռք այցելելով եւ իսկապէս գեղեցիկ, գունագեղ, ռոմանտիկ ճառեր արտասանելով չէ, որ մենք ունենալու ենք ժամանակակից Հայաստանի ժողովրդավարական եւ մրցունակ քաղաքականութիւն», — ասել է նա ու յաւելել, որ Սերժ Սարգսեանը Դերզէրեան եւ վաշինգտոնեան գեղեցիկ ճառերից պէտք է անցում կատարի դէպի իրական քաղաքականութիւն եւ խօսքերը վերածի գործի, իսկ եթէ նախագահը դա չանի, ապա ցոյց կտայ, որ «ժողովրդին խաբելու քաղաքականութիւնը շարունակւում է»:
Ըստ «Ժառանգութեան» ղեկավարի, երբ նախագահ Սարգսեանը հրապարակի Հայ-թրքական յարաբերութիւնների կարգաւորման վերաբերեալ իր որոշումը, պարզ կդառնայ՝ արդեօ՞ք նա վերադառնում է ազգային, պետական եւ քաղաքացիական ուղի, թէ՞ իրականցանում է բլեֆի մարտավարութիւն, երբ «ասում է շատ գեղեցիկ մի բան, բայց իրական կեանքում անում է հակառակը»:
Ր. Յովհաննիսեանը Հայ-թրքական ներկայ գործընթացը որակել է որպէս անարժանապատիւ եւ հակապետական, որով աննախադէպ հարւած հասցւեց Հայաստանի ազգային անվտանգութեանն ու Հայաստանի քաղաքացու արժանապատւութեանը, քանի որ ՀՀ իշխանութիւնները իրենց ստորագրութիւնը դրեցին ուղղակի եւ անուղղակի բազմաթիւ նախապայմաններ պարունակող արձանագրութիւնների տակ: Այժմ, նրա խօսքով, միայն ստորագրութիւնները յետ կանչելով խնդիրը չի լուծւի. Հայաստանն իր քաղաքականութիւնը էապէս փոխելու անհրաժեշտութիւն ունի:
Հարցին, թէ արդեօ՞ք դա նշանակում է, որ այսօր Հայաստանում արտահերթ ընտրութիւնների անհրաժեշտութիւն կայ, Րաֆֆի Յովհաննիսեանը պատասխանել է, թէ դա պարզ կը լինի Սերժ Սարգսեանի առաջիկայ քայլերից. «Եթէ վերադարձից յետոյ, այս որոշման յաջորդ հրապարակումից յետոյ չի երեւում, որ կայ այդտեղ յանձնառութիւնը, ծրագիրը՝ Հայաստանը դարձնել իրաւական, օրինական, ռելեւանտ, պատկան եւ մրցունակ պետութիւն, այլ կերպ չկայ, իմ կարծիքով, քան արտահերթ ընտրութիւններ: Կամ էլ ժողովուրդը ինքը պէտք է ընտրի՝ ինչպէս Հայաստանը փրկել սպասւող արհաւիրքից»:
Ըստ «Ժառանգութեան» ղեկավարի, երբ նախագահ Սարգսեանը հրապարակի Հայ-թրքական յարաբերութիւնների կարգաւորման վերաբերեալ իր որոշումը, պարզ կդառնայ՝ արդեօ՞ք նա վերադառնում է ազգային, պետական եւ քաղաքացիական ուղի, թէ՞ իրականցանում է բլեֆի մարտավարութիւն, երբ «ասում է շատ գեղեցիկ մի բան, բայց իրական կեանքում անում է հակառակը»:
Ր. Յովհաննիսեանը Հայ-թրքական ներկայ գործընթացը որակել է որպէս անարժանապատիւ եւ հակապետական, որով աննախադէպ հարւած հասցւեց Հայաստանի ազգային անվտանգութեանն ու Հայաստանի քաղաքացու արժանապատւութեանը, քանի որ ՀՀ իշխանութիւնները իրենց ստորագրութիւնը դրեցին ուղղակի եւ անուղղակի բազմաթիւ նախապայմաններ պարունակող արձանագրութիւնների տակ: Այժմ, նրա խօսքով, միայն ստորագրութիւնները յետ կանչելով խնդիրը չի լուծւի. Հայաստանն իր քաղաքականութիւնը էապէս փոխելու անհրաժեշտութիւն ունի:
Հարցին, թէ արդեօ՞ք դա նշանակում է, որ այսօր Հայաստանում արտահերթ ընտրութիւնների անհրաժեշտութիւն կայ, Րաֆֆի Յովհաննիսեանը պատասխանել է, թէ դա պարզ կը լինի Սերժ Սարգսեանի առաջիկայ քայլերից. «Եթէ վերադարձից յետոյ, այս որոշման յաջորդ հրապարակումից յետոյ չի երեւում, որ կայ այդտեղ յանձնառութիւնը, ծրագիրը՝ Հայաստանը դարձնել իրաւական, օրինական, ռելեւանտ, պատկան եւ մրցունակ պետութիւն, այլ կերպ չկայ, իմ կարծիքով, քան արտահերթ ընտրութիւններ: Կամ էլ ժողովուրդը ինքը պէտք է ընտրի՝ ինչպէս Հայաստանը փրկել սպասւող արհաւիրքից»:
Լուրեր Հայաստանից
Posts
0 Պատգամ:
Post a Comment