Մինչև դեկտեմբերի 29-ը Սիրահարների

այգում ամէն երեկոյ տեղի

կունենան համերգներ



17:11 • 27.12.10
Orange-ի աջակցութեամբ մինչև դեկտեմբերի 29-ը ամէն երեկոյ` սկսած ժամը 18:30-ից Սիրահարների այգին կհիւրընկալի հայաստանեան սիրւած երաժշտական խմբերին և կատարողներին, որոնք հանդէս կգան բազմաժանր համերգային ծրագրով` բլիւզ, ռեգգի, ռոք և այլն: Ձմեռային փառատօն-ի «Երաժշտական օրեր» խորագիրը կրող հնգօրեայ համերգաշարի շրջանակներում դեկտեմբերի 26-ին բոլոր այցելուները վայելեցին Շուշան Պետրոսեանի, Art Voices-ի և Suren Arustamyan Blues Band-ի կատարումները: Ծրագիրը կշարունակւի դեկտեմբերի 27-ին Exodus, Ռեինկառնացիա, դեկտեմբերի 28-ին` The Beautified Project, Dogma, Alien Time խմբերի կատարումներով, իսկ վերջին երեկոն պարային ռիթմերով կջերմացնի DJ Vakcina-ն:
«Երաժշտութիւնը հզօր ուժ է, որը կարող է իսկապէս միաւորել մեզ բոլորիս: Անցնող տարւայ ընթացքում Orange-ը բազմաթիւ մեծ երաժշտական միջոցառումների գործընկերը, իսկ երբեմն էլ` նախաձեռնողն է եղել` Եւրատեսիլ, Euro Voice, Երաժշտութեան Տօն և այլն: Այս ձմեռային օրերին, երբ յաճախ չեն իրադարձութիւնները Երևանի այգիներում, հրապարակներում ու փողոցներում, Երաժշտական օրերի շնորհիւ մենք յոյսով ենք կրկին միաւորել մարդկանց գեղեցիկ ու ջերմ պահերի շուրջ և միասին ճանապարհել անցնող տարին ու կուտակել դրական էներգիայ Նոր Տարւայ համար», ասաց Orange-ի գլխաւոր տնօրէն Բրունօ Դիւթուան:
Ձմեռային Փառատօնի կազմակերպիչներն են «Կանաչաստան» հասարակական կազմակերպութիւնը և «Պօղոսեան Պարտէզները»: Փառատօնը կազմակերպւում է արդէն 4-րդ անգամ և ներառում է բազմաթիւ միջոցառումներ` Ամանորեայ տօնավաճառ, տօնածառերի ցուցահանդէս, հեքիաթասացութիւն, խաղեր, ձեռքի աշխատանքներ և այլն:


Tert.am

0 Պատգամ: