«ԻՐԱՆԱՀԱՅՈՒԹԵԱՆ ՄԱՐԶԱՆՔԸ» ՀԵՌՈՒՍՏԱՏԵՍՈՒԹԻՒՆԻՑ
Կիրակի դեկտեբեր 20–ի գիշեր, Ամանորեան տոներին մօտենալու առիթով, Իրանի պետական արբանեակային «Ջամէ Ջամ» հեռուստաալիքի մարզական ծրաիրը ուղիղ եթերով հարցազրոյց ունեցաւ Հայ Մշակութային «Արարատ» Կազմակերպութեան Կենտրոնական վարչութեան նախագահ՝ պրն. Էդւարդ Բաբախանեանի հետ։
Ծրագիրը ունէր «Մարզանքը Իրանահայերի Մօտ» վերտառութիւնը, եւ պրն. Բաբախանեանը պատասխանելով հաղորդավարի հարցումներին, ներկայացրեց իրանահայութեան ունեցած դերակատարութիւնը Իրանի մարզանքի վերելքին առ հասարակ, եւ նրանց զբաղեցրած կարեւոր հանգամանքները իրանական եւ միջազգային մարզական ատեաններում։
Նա կարեւորութեամբ անդրադառնալով այն հարցին, որ իրանահայերը նոյնպէս որ արհեստի ու տարբեր բնագաւառներում առաջատարներ են եղել, նոյնպէս եւ մարզանքում իրենց կարեւոր ներդրումներն են ունեցել իրանեան հայրենիքին։ Նա ակնարկերց, որ՝ երբ երկրում, որեւէ մարզական ակումբ գոյութիւն չի ունեցել, հայերը ունեցել են «Սպորտ» անունով ֆուտբոլի խումբ, որը մասնակցել է երկրի մակարտակի մրցութիւններին։
Պրն. Բաբախանեանն ապա ակնարկելով մի շարք Հայ ակնառու մարզական դէմքերի ու խմբերի, ներկայացրեց Հ.Մ.Ա.Կ.–ի 65 ամեայ մարզական եւ մշակութային անցեալն ու վարչական կառոյցը։ Նա ապա կարեւորութեամբ ընդգծեց, որ կազմակերպութիւնը առաելաբար իր, ջանքը, էնէրգիան ու նիւթականը ի սպաս է դնում երիտասարդութեան ու պատանեկութեան բարոյականութեան եւ հիմնակառուցային հարցերին ու դաստիարակութեան գործին, որին խիստ կարեւորութիւն է տալիս կազմակերպութիւնը։
Հ.Մ.Ա.Կ.–ի Կենտրոնական վարչութեան նախագահն իր խօսքերում անդրադառնալով այն հարցին՝ թէ Արարատ մարզաւանը եւ կազմակերպութիւնը միշտ բանուկ է ու աշխոյժ, քննադատեց թէ՛ երկրի մարզական օրգանների եւ թէ՛ հեռուստատեսութեան կողմից նկատւող որոշ խտրականութիւնների, եւ յոյս յայտնեց որ այսպիսիք այլեւս չը կրկնւեն։ Նա ի միջի այլոց իր շնորհակալութիւնն յայտնեց իրանի մարմնակրթական կազմակերպութեանը որոշ նիւթական օժանդակութիւններ կատարելու համար։
Շուրջ կէս ժամ տեւող հարցազրոյցի ընթացքում, պրն. Բաբախանեանը մանրամասութեամբ նշեց իրանահայ մազանքի ու մշակութային ասպարէզերում գոյութիւն ունեցած մտահոգութիւններին, որոնք իր ասութեամբ վերանալու են պետական հիմնարկների լայնախոհութեամբ։
Posts
0 Պատգամ:
Post a Comment