ՏՐԱՄԱԳԻԾ

Ազիմովը նշել է, թէ Ադրբեջանի յարաբերութիւնները Թուրքիայի հետ երկար տարիների ընթացքում «հզօր աշխարհաքաղաքական լիցք են պարունակում», եւ կոչ է արել ԱՄՆ-ին զգուշօրէն վերաբերւել այդ համագործակցութեանը:

«Ամերիկեան կողմը չափից դուրս ակտիւօրէն է Թուրքիային մղում Հայաստանի հետ յարաբերութիւնների կարգաւորման՝ ղարաբաղեան հակամարտութեան կարգաւորման համատեքստից դուրս:

Ընդ որում, նրանց առաջին հերթին հետաքրքրում է սահմանների բացումը, իսկ այս դէպքում խնդիրներ են ծագում Ադրբեջանի հետ, իսկ դա կարող է սրել իրավիճակը տարածաշրջանում: Կարծում եմ, որ ամերիկացիները պարտաւոր էին գնահատել ադրբեջանա-թուրքական համագործակցութիւնը»,- ըստ ադրբեջանական «1 news.az»,-ի՝ ասել է Ազիմովը: