ԹՈՒՐՔ ՊԱՏԳԱՄԱՒՈՐՆԵՐԸ ԱՆԻՐԱԿԱՆ ՅԱՅՏԱՐԱՐՈՒԹԻՒՆՆԵՐ ԵՆ ԿԱՏԱՐՈՒՄԹուրք պատգամաւորները կրկին իրականութեանը չհամապատասխանող յայտարարութիւններ են կատարում: Այդ մասին հաղորդեց Հայաստանի Հանրապետական կուսակցութեան խորհրդարանական խմբակցութեան քարտուղար Էդւարդ Շարմազանովը` մեկնաբանելով թուրք պատգամաւոր Զէյնեբ Դագիի յայտարարութիւններն այն մասին, որ հայ-թուրքական յարաբերութիւնների կարգաւորման մասին ստորագրւած Արձանագրութիւնները չեն ներգրաււել Թուրքիայի խորհրդարանի արտաքին գործերի յանձնաժողովի օրակարգում:
«Եթէ իմ թուրք գործընկերը տեղեակ չէ, որ Արձանագրութիւնները յանձնաժողով են ուղարկւել, ապա ես նրան խորհուրդ եմ տալիս Թուրքիայի խորհրդարանի կայք այցելել»,- ասաց ՀՀԿ պատգամաւորը: Նրա խօսքով, թուրք-ադրբեջանական քարոզչութիւնը նման յայտարարութիւններով փորձում է ստւեր նէտել հայ-թուրքական յարաբերութիւնների կարգաւորման գործընթացի վրայ եւ ինքն իրեն համոզել, որ այդ գործընթացը պարզապէս գոյութիւն չունի:
«Արձանագրուիւնները ստորագրւել են, եւ դա փաստ է, որը ողջունել է միջազգային հանրութիւնը: Ես թուրք պատգամաւորներին խորհուրդ կտամ պղտոր ջրում ձուկ չորսալ»,- յայտնեց Էդւարդ Շարմազանովը:
«Հայ-թուրքական յարաբերութիւնների կարգաւորման մասին Ցիւրիխում ստորագրւած Արձանագրութիւնների վաւերացման հարցը չի ներգրաււել Թուրքիայի խորհրդարանի արտաքին գործերի յանձնաժողովի օրակարգում»,- յայտնել է Թուրքիայի կառավարող Արդարութեան եւ զարգացման (AKP) կուսակցութեան անդամ, արտաքին գործերի խորհրդարանական յանձնաժողովի անդամ Զէյնեբ Դագին:
***Ըստ երեւոյթի պրն. Էդւարդ Շարմազանովը շատ լուրջ է համարում տխրահռչակ ստորագրութիւններիպարագան ու շատ շուտ՝ եւ «խելամիտ» ժամանակամիջոցում յաջողել է խնամիական կապեր հաստատել թշնամու «պատգամաւոր» ի հետ ու նոյնպէս «խելամիտ» ժամանակամիջոցում հասցրել է Զէյնէբին՝ «գործընկեր» անւանել...Ցաւըտ տանեմ ախպեր պատգամաւոր, նոյնիսկ վերջին մէկ ամսւայ ընթացքում թշնամու սադրանքները տեսնելով հանդէրձ էլ, համոզւա՞ծ էք նրանց հաւատարմութեանը՝ հէնց իրենց ջանքերով ստորագրւած փաստաթղթերի նկատմամբ... Ի՞նչ է, չլինի միամտաբար կարծում էիք նրանք իրական յայտարարութիւններ կը կատարեն...
Posts
0 Պատգամ:
Post a Comment