ԷՄՄԻՆ ԱՄՆ-ՈՒՄ Է ՊԱՏՐԱՍՏՒԵԼ «ԵՒՐԱՏԵՍԻԼԻՆ»
Օսլոյում կայանալիք «Եւրատեսիլ 2010» միջազգային երգի մրցոյթին մասնակցելու համար հայաստանեան նախընտրական փուլին յայտ ներկայացնող երգիչ- երգչուհիների անունները դեռ պարզ չեն:
Սակայն այս օրերին մի քանիսի անուններն աւելի յաճախ են շրջանառւում. Ռազմիկ Ամեան, Հայկ Կասպարով, Եւա Ռիվաս, էմմի... Երգիչ Ռազմիկ Ամեանը մեզ հետ հեռախօսազրոյցում ասաց միայն այն, որ ինքը մասնակցութեան յայտ ներկայացնելու է հաստատ, սակայն երգի, սպասւող շոուի և այլ մանրամասների մասին չցանկացաւ խօսել: «Այլ մանրամասների մասին չեմ ուզում խօսել, ինձ համար էլ է դժւար մերժել ձեզ այդ թեմային վերաբերող հարցերին պատասխանելը, բայց ցանկանում եմ, որ ամէն ինչ գաղտնի մնայ և հանդիսատեսին պարզ դառնայ միայն նախընտրական հեռուստատեսային փուլի ժամանակ,- ասաց Ռազմիկ Ամեանը: Իսկ ահա երգչուհի Էմմին, ով «Եւրատեսիլ 2010»-ի նախընտրական փուլին կը մասնակցի Միհրանի հետ , համաձայնւեց բացայայտել որոշ մանրամասներ: Նա վերջերս է վերադարձել ԱՄՆ-ից, որտեղ երեք ամիս նախապատրաստւել է «Եւրատեսիլի» նախընտրական փուլին: «Երգը ձայնագրւել է ԱՄՆ -ում: Մեզ բազմաթիւ երգեր էին ուղարկել տարբեր երկրներից, ինչպիսիք են `Բելգիան,Թուրքիան, Գերմանիան,Ռուսաստանը և այլն: Մենք բազմաթիւ երգերից ընտրել ենք չորսը»,- պատմեց երգչուհին: Թէ այդ չորս երգերից որը կը ներկայացնեն նախընտրական փուլին, երգչուհին չցանկացաւ մանրամասնել, միայն ասաց, որ մէկից աւել կը լինի: Երգերի և սպասւելիք շոուի մասին Էմմին ասաց. «Դեռ չենք ուզում հրապարակել երգի հեղինակին, թող պարզ դառնայ նախընտրական փուլի ժամանակ: Երգը իր ոճով պարային է, ռիթմիկ, ժամանակակից: Համոզւած եմ` երիտասարդներին դուր կը գայ, նաև ասեմ , որ էքսպերիմէնտ է, ես ինքս փոփոխութիւններ սիրում եմ: Հայաստանեան նախընտրական փուլում երգը կը ներկայացւի բեմադրութեամբ: Դրան մասնակցելու համար ԱՄՆ -ից Հայաստան կը ժամանեն չորս պարողներ, ովքեր մեծ յաջողութիւններ ունեն իրենց ասպարէզում, պարել են այնպիսի աստղերի հետ, ինչպիսիք են Մադոննան, Մայքլ Ջեքսոնը, Բրիթնի Սփիրզը և այլ յայտնի աստղեր»: Յիշեցնենք, որ մրցոյթի նախընտրական փուլն անցկացւելու է մինչև 2010 թւականի փետրւարի 10-ը: Ժիւրին կընտրի 10 լաւագոյն երգերը, որոնք էլ փետրւարի 10-15-ը կներկայացւեն հեռուստատեսային փուլի ժամանակ:
«Ա+1»
Posts
0 Պատգամ:
Post a Comment