Արծւիկ Մինասեանի կարծիքով, արձանագրութիւնները պէտք է «հակասահմանադրական» ճանաչւեն
19.10.2009
Ռուզաննա Ստեփանեան
Ազգային ժողովում Դաշնակցութեան խորհրդարանական խմբակցութեան անդամ Արծւիկ Մինասեանի փոխանցմամբ, ոչ թէ առանձին կուսակցութիւններ, այլ նախագահ Սերժ Սարգսեանը, գործող օրէնքի համաձայն, պէտք է դիմի Սահմանադրական դատարան, որպէսզի վերջինս մինչեւ հայ-թուրքական արձանագրութիւնների վաւերացումը դիտարկի այդ փաստաթղթերում ամրագրւած Հայաստանի պարտաւորութիւնների համապատասխանութիւնը 
ՀՀ սահմանադրութեանը:
ՀՀ սահմանադրութեանը:Արծւիկ Մինասեանի համոզմամբ, այդ արձանագրութիւններով Հայաստանի ստանձնած պարտաւորութիւնները չեն բխում Սահմանադրութիւնից, հետեւաբար, ըստ նրա, դրանք պէտք է հակասահմանադրական ճանաչւեն:
Դաշնակցական պատգամաւորի կարծիքով, դա տեղի կունենայ, եթէ Սահմանադարական դատարանը «հետեւողական լինի օրէնքի պահանջներին եւ օրէնսդրական նորմերի կիրառմանը»:
«Օրինակ, եթէ մենք խօսում ենք բարի դրացիական այնպիսի յարաբերութիւններ հաստատելու մեր պարտաւորութեան մասին, որտեղ չի կարող խօսք լինել Թուրքիայի կողմից Ցեղասպանութեան ճանաչման պահանջի մասին, դա արդէն կը հակասի Անկախութեան հռչակագրի հիմնադրոյթների 11-րդ կէտին` որի համաձայն Հայաստանը սատար է կանգնում Ցեղասպանութեան միջազգային ճանաչման գործընթացին», - ասաց Արծւիկ Մինասեանը:
«Օրինակ, եթէ մենք խօսում ենք բարի դրացիական այնպիսի յարաբերութիւններ հաստատելու մեր պարտաւորութեան մասին, որտեղ չի կարող խօսք լինել Թուրքիայի կողմից Ցեղասպանութեան ճանաչման պահանջի մասին, դա արդէն կը հակասի Անկախութեան հռչակագրի հիմնադրոյթների 11-րդ կէտին` որի համաձայն Հայաստանը սատար է կանգնում Ցեղասպանութեան միջազգային ճանաչման գործընթացին», - ասաց Արծւիկ Մինասեանը:
Արծւիկ Մինասեանն առանձնացրեց հայ-թուրքական արձանագրութիւնների ստորագրմանը նախորդած գործընթացի մի քանի կէտեր, որոնք, ըստ նրա, ընթացակարգային շատ լուրջ խախտումներ են: Մասնաւորապէս, Մինասեանի համոզմամբ, այս փաստաթղթերը պէտք է նախապէս ուղարկւէին բոլոր շահագրգիռ գերատեսչութիւններին: Ընդ որում, նրա համոզմամբ, առնւազն 2 գերատեսչութիւն յստակ պէտք է արձագանքէր այս արձանագրութիւններին` «Ֆինանսների նախարարութիւնը, որը պէտք է տար այդ փաստաթղթի ֆինանսական հետեւանքերը, եւ Արդարադատութեան նախարարութիւնը, որը պիտի նշէր, թէ փաստաթղթի ստորագրման դէպքում ինչպիսի օրէնսդրական փոփոխութիւններ կարող են ի յայտ գալ»:
«Եթէ հաստատւեն այս ընթացակարգային խախտումները, ապա դրանք կը հակասեն ՀՀ Սահմանադրութեան 83.5 յօդւածի պահանջներին` համաձայն որի «միջազգային պայմանագրերում ամրագրւած պարտաւորութիւնները պէտք է ստանձնւեն բացառապէս օրէնքով նախատեսւած պայմաններով ու կարգով»», - ասաց Արծւիկ Մինասեանը:
Դաշնակցական պատգամաւորի փոխանցմամբ, իրենց կուսակցութիւնը արձանագրութիւնների հետ կապւած բոլոր դիտարկումները կամ գրաւոր ձեւով կը ներկայացնի Սահմանադրական դատարանին, կամ պարզապէս կը հրապարկի նշւած մտահոգութիւնները:
«Ես յոյս ունեմ, որ Գագիկ Յարութիւնեանն այնքան անաչառ կը գտնւի եւ հաւատարիմ կլինի երդմանն ու սահմանադարական նորմերին, որ կը տայ օբեկտիւ գնահատական: Իսկ եթէ արձանագրութիւնները վաւերացւեն եւ ուժի մէջ մտնեն, ազգի պառակտումն այլեւս անխուսափելի կլինի», - հաւատացած է Արծւիկ Մինասեանը:
«ԱԶԱՏՈՒԹԻՒՆ»
Posts
0 Պատգամ:
Post a Comment