Մուղնու Սբ. Գէորգ եկեղեցին կը վերականգնւի
Խոստանում են վրացիները
13:45 • 14.08.10
Թբիլիսիի Մուղնու Սբ. Գէորգ հայկական եկեղեցու վերականգնողական ծրագիրը կազմւած է երեք փուլից։ Առաջին՝ հետազոտութիւնների փուլը,
արդէն աւարտւած է։Ինչպէս այսօր լրագրողներին տեղեկացրեց մշակոյթի փոխնախարար Արևիկ Սամուէլեանը՝ մինչև այս տարւայ սեպտեմբերի վերջ կներկայացւի եկեղեցու էսքիզը, իսկ վերջնական նախագիծը վրացական կողմը կներկայացնի տարւայ վերջին։
Ըստ նրա՝ այս պայմանաւորւածութիւնը ձեռք է բերւել օգոստոսի 5–12–ը։ Այդ օրերին Վրաստանում էր հայկական պատւիրակութիւնը։ «Եկեղեցին դարձաւ խթան՝ ցաւալի խթան, որը բերեց համագործակցութեան», – ասաց նա։Յիշեցնենք, որ Մուղնու Սբ. Գէորգ եկեղեցին փլուզւեց 2009թ. նոյեմբերին։ Այս տեղեկութիւնը մեծ արձագանք ստացաւ հասարակութեան մէջ։
Փոխնախարարը տեղեկացրեց, որ կատարւելիք աշխատանքների վերջնական քննարկումը կանցկացւի Հայաստանում՝ վրացական պատւիրակութեան մասնակցութեամբ։ Իսկ վերականգնողական աշխատանքները կսկսւեն արդէն միւս տարի։Սամուէլեանը չկարողացաւ ասել, որքան ֆինանսական միջոցներ կպահանջի եկեղեցու վերականգնումը։
Եկեղեցու վերականգման աշխատանքների ժամկէտները և անհրաժեշտ գումարը յայտնի կդառնայ, երբ պատրաստ կը լինի վերջնական նախագիծը։ Միաժամանակ, նա տեղեկացրեց, որ նախագծային աշխատանքները իրագործելու համար վրացական կողմը յատկացրել է 26 հազար ամերիկեան դոլար։
Մուղնու Սբ. Գէորգ եկեղեցին գտնւում է Թբիլիսիի Սոլոլակի թ
աղամասում, որը, փոխնախարարի ներկայացմամբ, նոյնպէս ամբողջութեամբ վթարային իրավիճակում է, քանի որ բլրի տակ ոչ շատ մեծ խորութեան վրայ հոսում են ստորգետնեայ ջրեր։Բոլոր աշխատանքներն արւելու են համատեղ՝ երկու կողմերի մասնակցութեամբ։ Աւելացնենք, որ պատւիրակութիւնն այցելել է նաև Նորաշէնի Սբ. Աստւածածին եկեղեցի, որը նոյնպէս վերականգման կարիք ունի։ Վրացական կողմը հաւաստիացրել է, որ յաջորդ տարի բիւջէում կնախատեսւի գումար յուշարձանի հետազոտութիւնների համար։Tert.am
Posts
0 Պատգամ:
Post a Comment