Վահան Յովհաննիսեան.–
Սկզբից էլ պարզ էր, որ Թուրքիան փորձելու է խաբել եւ մանեւրել
13:35 / 13.03.2010
«Հայ-թրքական յարաբերութիւնների կարգաւորման գործընթացի ոչ մի փուլում մերձեցման մասին խօսք չի գնացել, իսկ փոխվստահութեան մթնոլորտ կողմերի միջեւ չի եղել հէնց սկզբից»,- մարտի 13-ին տեղի ունեցած մամուլի ասուլիսի ժամանակ յայտարարեց ՀՅԴ խմբակցութեան ղեկավար Վահան Յովհաննիսեանը։
Նրա խօսքով, գործընթացի սկզբից էլ պարզ էր, որ թուրքական կողմը փորձելու է խաբել, մանեւրել եւ իր կողմից առաջ քաշւած նախապայմանները փաթաթել Հայաստանի վզին։ «Հայ-թրքական արձանագրութիւնների վնասներն ակնյայտ են, իսկ օգուտները դեռեւս չենք տեսել», — նշեց ԱԺ պատգամաւորը։ Որպէս ասւածի ապացոյց նա ներկայացրեց այն փաստը, որ Հայոց Ցեղասպանութեանը մշտապէս աջակցած ամերիկացի մի քանի կոնգրէսականներ, ի դէմս Մըք Քոուլի, այս անգամ դէմ են քւէարկել օրինագծին՝ պատճառաբանելով, թէ բանաձեւի ընդունումը կարող է վնասել Հայ-թրքական յարաբերութիւների կարգաւորման գործընթացին։ «Այդպիսի դիրքորոշում յայտնեց նաեւ ԱՄՆ պետքարտուղար Հիլլարի Քլինթոնը՝ նշելով, որ Միացեալ Նահանգները չի ցանկանում խոչընդոտել Հայ-թրքական գործընթացին, եւ ինքն անձամբ չի ողջունում բանաձեւի ընդունումը», — նշեց Վահան Յովհաննիսեանը։
Անդրադառնալով ԱՄՆ պետքարտուղարութեան հրաւէրով ՀՀ նախագահ Սերժ Սարգսեանի՝ ապրիլի կէսերին այդ երկիր կատարելիք այցին՝ նա համոզմունք յայտնեց, որ դա հերթական ծուղակ է, որը նպատակ ունի Նախագահ Օբամային ազատել հայ համայնքին ուղղւած իր ապրիլքսանչորսեան ելոյթում «ցեղասպանութիւն» բառն օգտագործելու պարտականութիւնից։
Յիշեցնենք, որ մարտի 4-ին ԱՄՆ Կոնգրէսի Արտաքին յարաբերութիւնների յանձնաժողովը 23 կողմ եւ 22 դէմ ձայներով ընդունել էր Հայոց Ցեղասպանութիւնը ճանաչող բանաձեւը: Դրան ի պատասխան՝ Թուրքիան ԱՄՆ-ից յետ էր կանչել իր դեսպան Նամըք Թանին՝ «խորհրդատւութիւններ անցկացնելու նպատակով»:
Նրա խօսքով, գործընթացի սկզբից էլ պարզ էր, որ թուրքական կողմը փորձելու է խաբել, մանեւրել եւ իր կողմից առաջ քաշւած նախապայմանները փաթաթել Հայաստանի վզին։ «Հայ-թրքական արձանագրութիւնների վնասներն ակնյայտ են, իսկ օգուտները դեռեւս չենք տեսել», — նշեց ԱԺ պատգամաւորը։ Որպէս ասւածի ապացոյց նա ներկայացրեց այն փաստը, որ Հայոց Ցեղասպանութեանը մշտապէս աջակցած ամերիկացի մի քանի կոնգրէսականներ, ի դէմս Մըք Քոուլի, այս անգամ դէմ են քւէարկել օրինագծին՝ պատճառաբանելով, թէ բանաձեւի ընդունումը կարող է վնասել Հայ-թրքական յարաբերութիւների կարգաւորման գործընթացին։ «Այդպիսի դիրքորոշում յայտնեց նաեւ ԱՄՆ պետքարտուղար Հիլլարի Քլինթոնը՝ նշելով, որ Միացեալ Նահանգները չի ցանկանում խոչընդոտել Հայ-թրքական գործընթացին, եւ ինքն անձամբ չի ողջունում բանաձեւի ընդունումը», — նշեց Վահան Յովհաննիսեանը։
Անդրադառնալով ԱՄՆ պետքարտուղարութեան հրաւէրով ՀՀ նախագահ Սերժ Սարգսեանի՝ ապրիլի կէսերին այդ երկիր կատարելիք այցին՝ նա համոզմունք յայտնեց, որ դա հերթական ծուղակ է, որը նպատակ ունի Նախագահ Օբամային ազատել հայ համայնքին ուղղւած իր ապրիլքսանչորսեան ելոյթում «ցեղասպանութիւն» բառն օգտագործելու պարտականութիւնից։
Յիշեցնենք, որ մարտի 4-ին ԱՄՆ Կոնգրէսի Արտաքին յարաբերութիւնների յանձնաժողովը 23 կողմ եւ 22 դէմ ձայներով ընդունել էր Հայոց Ցեղասպանութիւնը ճանաչող բանաձեւը: Դրան ի պատասխան՝ Թուրքիան ԱՄՆ-ից յետ էր կանչել իր դեսպան Նամըք Թանին՝ «խորհրդատւութիւններ անցկացնելու նպատակով»:
Լուրեր Հայաստանից
Posts
0 Պատգամ:
Post a Comment