Milliyet–
Մի՞թէ Թուրքիան յետ է կանչելու իր բոլոր դեսպաններին
«Մի՞թէ ժամանակը չէ, որ Արևմուտքում մեր բոլոր դեսպաններին յետ կանչելու փոխարէն անկեղծօրէն քննարկենք 95 տարի առաջ տեղի ունեցած կեղտոտ գործը»
18:23 • 13.03.10
Թուրք յայտնի լրագրող, Milliyet օրաթերթի յօդւածագիր Ջան Դիւնդարը, անդրադառնալով Հայոց Ցեղասպանութեան փաստի միջազգայնացման գործընթացին, անում է հետևեալ հարցադրումը` «Մի՞թէ յետ ենք կանչելու մեր բոլոր դեսպաններին»:
«Թուրքիան նման է մի երեխայի, ով իր ընկերների կողմից մեկուսացման է դատապարտւում, երբ ի յայտ է գալիս իր հօր` անցեալում կատարած սպանութիւնը… Նա կարծես լուռ իր վրայ է վերցնում հօր մեղքը, յետոյ էլ կոծկում այն: Սակայն զոհի հարազատները դա չեն մոռանում, դռնեդուռ են ընկնում և տեղեկացնում թաղամասի բնակիչներին:Ուզում են, որ բոլորն իմանան իրենց գլխին եկածը, հաշիւ են պահանջում»,- գրում է Ջան Դիւնդարը և շարունակում. «Թուրքիան նման է մի երեխայի, ով չի կարողանում ասել` «Յանցագործը ես չեմ, այլ հայրս: Զղջացել եմ… Երանի չլինէր: Ես էլ եմ ցաւում…»: Հօրն աջակցելու համար` ստանձնում է հին մեղքը: Հիմա էլ վճարում է դրա գինը: Մեկուսանում է»:
Ջան Դիւնդարը շատ հետաքրքիր և պատկերաւոր նկարագրում է իր իսկ նախնիների գործած յանցանքն ընդունելու և դատապարտելու համար Թուրքիայի դէմ սկսւած միջազգային արշաւը` դա ներկայացնելով ներթաղային յարաբերութիւնների օրինակով. «Թաղի մեծը` Ամերիկան, մեզ համար անսպասելի մի պահի թափահարեց տարիներով ձեռքում պահած մահակը… Բոլոր թաղեցիները, տեսնելով, որ թաղի մեծի դիրքորոշումը փոխւել է, վերցնում են մահակներն ու գործի անցնում: Սկսում են նեղել երեխային` ասելով. «Ոչ թէ մէկ, այլ միւս սպանութիւններն էլ էք դուք գործել»: Դժւար չէ տեսնել, թէ ինչ է լինելու այդ մեղադրանքներից յետոյ: Ըստ էութեան, 20 երկրների խորհրդարանների կողմից Թուրքիան արդէն մեղադրւում է Ցեղասպանութիւն իրականացնելու համար… Օղակը սեղմւում է, իսկ Թուրքիան` միայնակ գալարւում: Նրան պաշտպանող բարեկամներն անգամ չեն կարողանում ասել` «չի արել»: Փոխարէնն առաջ են քաշում այն թէզը, թէ` «Այդ երեխան մեզ համար կարևոր է, եկէք նրան շատ չհիւծենք»»:
Թուրք յօդւածագիրը նշում է, որ եթէ աշխարհում Հայոց Ցեղասպանութեան ճանաչման գործընթացի նման տեմպերով շարունակւի, մինչև Ցեղասպանութեան 100-րդ տարելիցն աշխարհի բոլոր երկրները կը ճանաչեն այդ փաստը:
«Ի՞նչ պէտք է անի Թուրքիան: Իւրաքանչիւր քւէարկութիւնից առաջ խորհրդարանականնե՞ր գործուղի, փորձի վերջին պահին լոբբիստական գործունէութի՞ւն ծաւալել, յետոյ էլ շունչը պահած քւէնե՞րը հաշւել: Իւրաքանչիւր քւէարկութիւնից առաջ Արտգործնախարարութիւնը ասելու է. «Ընդունման մասին որոշումը քննադատում ենք և ցանկանում ենք յիշեցնել, որ դա մեր յարաբերութիւններին մեծ վնաս է հասցնելու…»,- գրում է Ջան Դիւնդարը` նշելով, որ եթէ այս վերջին յայտարարութիւնը արդիւնք չտայ, Թուրքիան հետ է կանչելու այդ երկրում իր դեսպանին. «Այս կերպ ո՞ւր ենք հասնելու: Մինչև Եւրոպայից մեր բոլոր դեսպաններին հետ կանչե՞լը: Նման ընթացքով մինչև 1915թ. իրադարձութիւնների 100-րդ տարելիցն Արևմուտքում մի երկիր էլ չի մնայ, որ Թուրքիային չմեղադրի Ցեղասպանութիւն իրականացնելու համար: Բնականաբար, Թուրքիան մենակ է մնալու… »:
Մի՞թէ ժամանակը չէ, որ Արևմուտքում մեր բոլոր դեսպաններին յետ կանչելու փոխարէն անկեղծօրէն քննարկենք 95 տարի առաջ տեղի ունեցած կեղտոտ գործը և պարզենք, թէ այդ որտե՞ղ ենք սխալ գործել»,- եզրափակում է Ջան Դիւնդարը:
«Թուրքիան նման է մի երեխայի, ով իր ընկերների կողմից մեկուսացման է դատապարտւում, երբ ի յայտ է գալիս իր հօր` անցեալում կատարած սպանութիւնը… Նա կարծես լուռ իր վրայ է վերցնում հօր մեղքը, յետոյ էլ կոծկում այն: Սակայն զոհի հարազատները դա չեն մոռանում, դռնեդուռ են ընկնում և տեղեկացնում թաղամասի բնակիչներին:Ուզում են, որ բոլորն իմանան իրենց գլխին եկածը, հաշիւ են պահանջում»,- գրում է Ջան Դիւնդարը և շարունակում. «Թուրքիան նման է մի երեխայի, ով չի կարողանում ասել` «Յանցագործը ես չեմ, այլ հայրս: Զղջացել եմ… Երանի չլինէր: Ես էլ եմ ցաւում…»: Հօրն աջակցելու համար` ստանձնում է հին մեղքը: Հիմա էլ վճարում է դրա գինը: Մեկուսանում է»:
Ջան Դիւնդարը շատ հետաքրքիր և պատկերաւոր նկարագրում է իր իսկ նախնիների գործած յանցանքն ընդունելու և դատապարտելու համար Թուրքիայի դէմ սկսւած միջազգային արշաւը` դա ներկայացնելով ներթաղային յարաբերութիւնների օրինակով. «Թաղի մեծը` Ամերիկան, մեզ համար անսպասելի մի պահի թափահարեց տարիներով ձեռքում պահած մահակը… Բոլոր թաղեցիները, տեսնելով, որ թաղի մեծի դիրքորոշումը փոխւել է, վերցնում են մահակներն ու գործի անցնում: Սկսում են նեղել երեխային` ասելով. «Ոչ թէ մէկ, այլ միւս սպանութիւններն էլ էք դուք գործել»: Դժւար չէ տեսնել, թէ ինչ է լինելու այդ մեղադրանքներից յետոյ: Ըստ էութեան, 20 երկրների խորհրդարանների կողմից Թուրքիան արդէն մեղադրւում է Ցեղասպանութիւն իրականացնելու համար… Օղակը սեղմւում է, իսկ Թուրքիան` միայնակ գալարւում: Նրան պաշտպանող բարեկամներն անգամ չեն կարողանում ասել` «չի արել»: Փոխարէնն առաջ են քաշում այն թէզը, թէ` «Այդ երեխան մեզ համար կարևոր է, եկէք նրան շատ չհիւծենք»»:
Թուրք յօդւածագիրը նշում է, որ եթէ աշխարհում Հայոց Ցեղասպանութեան ճանաչման գործընթացի նման տեմպերով շարունակւի, մինչև Ցեղասպանութեան 100-րդ տարելիցն աշխարհի բոլոր երկրները կը ճանաչեն այդ փաստը:
«Ի՞նչ պէտք է անի Թուրքիան: Իւրաքանչիւր քւէարկութիւնից առաջ խորհրդարանականնե՞ր գործուղի, փորձի վերջին պահին լոբբիստական գործունէութի՞ւն ծաւալել, յետոյ էլ շունչը պահած քւէնե՞րը հաշւել: Իւրաքանչիւր քւէարկութիւնից առաջ Արտգործնախարարութիւնը ասելու է. «Ընդունման մասին որոշումը քննադատում ենք և ցանկանում ենք յիշեցնել, որ դա մեր յարաբերութիւններին մեծ վնաս է հասցնելու…»,- գրում է Ջան Դիւնդարը` նշելով, որ եթէ այս վերջին յայտարարութիւնը արդիւնք չտայ, Թուրքիան հետ է կանչելու այդ երկրում իր դեսպանին. «Այս կերպ ո՞ւր ենք հասնելու: Մինչև Եւրոպայից մեր բոլոր դեսպաններին հետ կանչե՞լը: Նման ընթացքով մինչև 1915թ. իրադարձութիւնների 100-րդ տարելիցն Արևմուտքում մի երկիր էլ չի մնայ, որ Թուրքիային չմեղադրի Ցեղասպանութիւն իրականացնելու համար: Բնականաբար, Թուրքիան մենակ է մնալու… »:
Մի՞թէ ժամանակը չէ, որ Արևմուտքում մեր բոլոր դեսպաններին յետ կանչելու փոխարէն անկեղծօրէն քննարկենք 95 տարի առաջ տեղի ունեցած կեղտոտ գործը և պարզենք, թէ այդ որտե՞ղ ենք սխալ գործել»,- եզրափակում է Ջան Դիւնդարը:
Tert.am
Posts
0 Պատգամ:
Post a Comment