Radikal.-
Թուրքիան արտաքին քաղաքականութիւնում կորցրել է սառը դատողութիւնը եւ ինքնատիրապետումը
11:06 / 15.03.2010
Թուրքական յայտնի Radikal-ի թղթակից Ջենգիզ Չանդարը իր հրապարակման մէջ անդրադարձել է վերջին իրադարձութիւնների հետ կապւած Թուրքիայի պահւածքին եւ հանդէս եկել հետաքրքիր ձեւակերպումներով:
«Թուրքական արտաքին քաղաքականութիւնը դուրս է եկել կառավարումից, կորցրել է սառը դատողութիւնը եւ յայտնւել ինքնատիրապետումը կորցրածի վիճակում` դաշնակից երկրների խորհրդարանններում Հայոց Ցեղասպանութեան նախագծերի ընդունման կամ օրակարգում յայտնւելու պատճառով:
Անցեալ շաբաթ նախ Վաշինգտոնից հետ կանչւեց դեսպան Նամըք Թանը, ապա նոյնը տեղի ունեցաւ Ստոկհոլմում Թուրքիայի դեսպան Զերգին Քորութուրքի հետ: Աւելին, անհասկանալի, նոյնիսկ երեխայավարի արձագանք է, երբ չեղեալ է յայտարարւում մարտի 17-ին Էրդողանի Շւէդիա կատարելիք այցը եւ Թուրքիա-Շւէդիա համաժողովը: Այսինքն, նեղացանք Շւէդիայից: Շւէդիան ԵՄ-ում Թուրքիայի ամէնավստահելի բարեկամն է: Թուրքիայի այս նեղացկոտութիւնը պատասխանը եղաւ Թուրքիայի համար տարիներ ի վեր ԵՄ-ում պայքարող Շւէդիայի ԱԳ նախարար Կարլ Բիլդտին: Վերջինս Շւէդիայի խորհրդարանում հայկական նախագծի դէմ հանդէս եկող ամենաակտիւ անձն էր: Այս ընթացքում Իսպանիայի 17 ինքնավար միաւորներից մէկը` Կատալոնիան եւս 1915-ի իրադարձութիւնները ճանաչեց որպէս ցեղասպանութիւն: Լաւ է, որ այնտեղ հիւպատոսութիւն չունենք, թէ չէ այս գլխով պէտք է անմիջապէս այն էլ փակէինք:
Հայկական նախագիծը Իսպանիայի խորհրդարանի ճանապարհին է: Եթէ անցաւ` Իսպանիայից էլ ենք նեղանալու: Գերմանիայում նոյնպէս այդ ուղղութեամբ ինչ որ բան է կատարւում: Նրանից էլ կարող ենք նեղանալ: Այսպէս գնալու դէպքում Թուրքիայի արեւմտեան ներկայացուցիչները ստիպւած են լինելու իրենց մնացած կարիէրան անցկացնել Անկարայում: Այն երկրներում, որտեղ մինչ այս ընդունւել էր Հայոց ցեղասպանութիւնը, դեռ շարունակում են պաշտօնավարել թուրք դեսպաններ: Այնպիսի իրավիճակ է կարծես արդէն Ցեղասպանութիւնը ընդունած Իտալիան, Ֆրանսիան, Բելգիան, Արգենտինան, Լիտվան, Լիբանանը եւ մի շարք այլ երկրներ օգտւում են ժամանակի վաղեմութիւնից: Իսկ Թուրքիան կնեղանայ նրանցից, ովքեր նոր կընդունեն հայկական նախագծերը: Այսպիսի արտաքին քաղաքականութիւն չի լինում»-նշում է իր հրապարակման մէջ Ջենգիզ Ջանդարը:
Անցեալ շաբաթ նախ Վաշինգտոնից հետ կանչւեց դեսպան Նամըք Թանը, ապա նոյնը տեղի ունեցաւ Ստոկհոլմում Թուրքիայի դեսպան Զերգին Քորութուրքի հետ: Աւելին, անհասկանալի, նոյնիսկ երեխայավարի արձագանք է, երբ չեղեալ է յայտարարւում մարտի 17-ին Էրդողանի Շւէդիա կատարելիք այցը եւ Թուրքիա-Շւէդիա համաժողովը: Այսինքն, նեղացանք Շւէդիայից: Շւէդիան ԵՄ-ում Թուրքիայի ամէնավստահելի բարեկամն է: Թուրքիայի այս նեղացկոտութիւնը պատասխանը եղաւ Թուրքիայի համար տարիներ ի վեր ԵՄ-ում պայքարող Շւէդիայի ԱԳ նախարար Կարլ Բիլդտին: Վերջինս Շւէդիայի խորհրդարանում հայկական նախագծի դէմ հանդէս եկող ամենաակտիւ անձն էր: Այս ընթացքում Իսպանիայի 17 ինքնավար միաւորներից մէկը` Կատալոնիան եւս 1915-ի իրադարձութիւնները ճանաչեց որպէս ցեղասպանութիւն: Լաւ է, որ այնտեղ հիւպատոսութիւն չունենք, թէ չէ այս գլխով պէտք է անմիջապէս այն էլ փակէինք:
Հայկական նախագիծը Իսպանիայի խորհրդարանի ճանապարհին է: Եթէ անցաւ` Իսպանիայից էլ ենք նեղանալու: Գերմանիայում նոյնպէս այդ ուղղութեամբ ինչ որ բան է կատարւում: Նրանից էլ կարող ենք նեղանալ: Այսպէս գնալու դէպքում Թուրքիայի արեւմտեան ներկայացուցիչները ստիպւած են լինելու իրենց մնացած կարիէրան անցկացնել Անկարայում: Այն երկրներում, որտեղ մինչ այս ընդունւել էր Հայոց ցեղասպանութիւնը, դեռ շարունակում են պաշտօնավարել թուրք դեսպաններ: Այնպիսի իրավիճակ է կարծես արդէն Ցեղասպանութիւնը ընդունած Իտալիան, Ֆրանսիան, Բելգիան, Արգենտինան, Լիտվան, Լիբանանը եւ մի շարք այլ երկրներ օգտւում են ժամանակի վաղեմութիւնից: Իսկ Թուրքիան կնեղանայ նրանցից, ովքեր նոր կընդունեն հայկական նախագծերը: Այսպիսի արտաքին քաղաքականութիւն չի լինում»-նշում է իր հրապարակման մէջ Ջենգիզ Ջանդարը:
Լուրեր Հայաստանից
Posts
0 Պատգամ:
Post a Comment