Երեւան է ժամանում Եւրամիութեան բարձրաստիճան պատւիրակութիւնը01.03.2010
Հեղինէ Բունիաթեան
Երկուշաբթի երեկոյեան (այսօր) Երեւան է ժամանում Եւրամիութեան բարձրաստիճան պատւիրակութիւնը՝ կառոյցում ներկայումս նախագահող երկրի՝ Իսպանիայի արտգործնախարար Միգել Անխել Մորատինոսի ղեկավարութեամբ։ Հայաստանեան ղեկավարութեան հետ Եւրամիութեան պատւիրակութեան հանդիպումները կսկսւեն երեքշաբթի առաւօտեան. այդ մասին «Ազատութիւն» ռադիոկայանին յայտնեց «Հայաստանի եւրոպական բարեկամներ» կազմակերպութեան նախագահ Մայքլ Քեմբեքը։
Վերջինիս տեղեկութիւններով` բարձր մակարդակով իրականացւող այս այցի շրջանակներում դիւանագէտները մտադիր են քննարկել ոչ միայն Հայաստան - Եւրամիութիւն յարաբերութիւնները, այլեւ լայնօրէն անդրադառնալ Հայ - թրքական յարաբերութիւնների կարգաւորմանն ու գործընթացին նոր թափ հաղորդելու հնարաւորութեանը։
«Հայաստանի նախագահի եւ արտգործնախարարի հետ հանդիպումներում եւրոպացի դիւանագէտները հիմնականում անդրադառնալու են Հայ - թրքական հաշտեցման գործընթացին, քանի որ հէնց դա է այս այցի առանցքային նպատակներից մէկը», - ասաց Մայքլ Քեմբեքը։
Հայաստանի նախագահ Սերժ Սարգսեանի, արտգործնախարար Էդւարդ Նալբանդեանի ու քաղաքական ուժերի հետ բանակցութիւններից բացի, Եւրամիութեան բարձրաստիճան պատւիրակութիւնը կը հանդիպի նաեւ Հայաստանի նախարարութիւններին եւ վարչական օղակներին խորհրդատւութիւններ տրամադրող եւրոպացի փորձագէտներին։ Վերջիններս, Հայաստանի կառավարութեան խնդրանքով եւ Եւրամիութեան աջակցութեամբ, արդէն շուրջ կէս տարի է՝ աշխատում են Երեւանում եւ խորհրդատւութիւններ տրամադրում պետական կառոյցներին՝ բարեփոխումներ իրականացնելու եւ առկայ խնդիրները լուծելու ուղղութեամբ։ Ծրագիրն իրականացւում է անցած տարի մեկնարկած Արեւելեան գործընկերութեան շրջանակներում, որի նպատակն է սերտացնել պաշտօնական Բրիւսելի յարաբերութիւնները նախկին խորհրդային վեց երկրների, այդ թւում՝ Հայաստանի հետ:
«Հայաստանը ներկայումս միակ երկիրն է, որտեղ Եւրամիութիւնը նման ծրագիր է իրականացնում։ Նախկինում այդօրինակ խորհրդատւական խմբերը միայն Եւրամիութեանը անդամակցութեան յայտ ներկայացրած երկրներում էին գործում։ Սա շատ հետաքրքիր ձեռնարկ է, եւ այժմ, այդ փորձագէտների հետ Մորատինոսի հանդիպումը նպատակ ունի խթանել Հայաստանի կողմից իրականացւող բարեփոխումները եւ է'լ աւելի ամրապնդել Հայաստան - Եւրամիութիւն յարաբերութիւնները», - ասաց «Հայաստանի եւրոպական բարեկամներ» կազմակերպութեան նախագահը։
Երեւանեան հանդիպումներից յետոյ Եւրամիութեան բարձրաստիճան պատւիրակութիւնը կայցելի նաեւ Վրաստան եւ Ադրբեջան։
Վերջինիս տեղեկութիւններով` բարձր մակարդակով իրականացւող այս այցի շրջանակներում դիւանագէտները մտադիր են քննարկել ոչ միայն Հայաստան - Եւրամիութիւն յարաբերութիւնները, այլեւ լայնօրէն անդրադառնալ Հայ - թրքական յարաբերութիւնների կարգաւորմանն ու գործընթացին նոր թափ հաղորդելու հնարաւորութեանը։
«Հայաստանի նախագահի եւ արտգործնախարարի հետ հանդիպումներում եւրոպացի դիւանագէտները հիմնականում անդրադառնալու են Հայ - թրքական հաշտեցման գործընթացին, քանի որ հէնց դա է այս այցի առանցքային նպատակներից մէկը», - ասաց Մայքլ Քեմբեքը։
Հայաստանի նախագահ Սերժ Սարգսեանի, արտգործնախարար Էդւարդ Նալբանդեանի ու քաղաքական ուժերի հետ բանակցութիւններից բացի, Եւրամիութեան բարձրաստիճան պատւիրակութիւնը կը հանդիպի նաեւ Հայաստանի նախարարութիւններին եւ վարչական օղակներին խորհրդատւութիւններ տրամադրող եւրոպացի փորձագէտներին։ Վերջիններս, Հայաստանի կառավարութեան խնդրանքով եւ Եւրամիութեան աջակցութեամբ, արդէն շուրջ կէս տարի է՝ աշխատում են Երեւանում եւ խորհրդատւութիւններ տրամադրում պետական կառոյցներին՝ բարեփոխումներ իրականացնելու եւ առկայ խնդիրները լուծելու ուղղութեամբ։ Ծրագիրն իրականացւում է անցած տարի մեկնարկած Արեւելեան գործընկերութեան շրջանակներում, որի նպատակն է սերտացնել պաշտօնական Բրիւսելի յարաբերութիւնները նախկին խորհրդային վեց երկրների, այդ թւում՝ Հայաստանի հետ:
«Հայաստանը ներկայումս միակ երկիրն է, որտեղ Եւրամիութիւնը նման ծրագիր է իրականացնում։ Նախկինում այդօրինակ խորհրդատւական խմբերը միայն Եւրամիութեանը անդամակցութեան յայտ ներկայացրած երկրներում էին գործում։ Սա շատ հետաքրքիր ձեռնարկ է, եւ այժմ, այդ փորձագէտների հետ Մորատինոսի հանդիպումը նպատակ ունի խթանել Հայաստանի կողմից իրականացւող բարեփոխումները եւ է'լ աւելի ամրապնդել Հայաստան - Եւրամիութիւն յարաբերութիւնները», - ասաց «Հայաստանի եւրոպական բարեկամներ» կազմակերպութեան նախագահը։
Երեւանեան հանդիպումներից յետոյ Եւրամիութեան բարձրաստիճան պատւիրակութիւնը կայցելի նաեւ Վրաստան եւ Ադրբեջան։
Posts
0 Պատգամ:
Post a Comment