Էրդողանը սպառնում է Հայաստանին ու ԱՄՆ-ին
13:54 / 01.03.2010
Թուրքիայում Բարեփոխումների դիտորդական խմբի համաժողովին մասնակցելուց յետոյ Թուրքիայի վարչապետ Ռեջեփ Թայիփ Էրդողանը կազմակերպւած մամուլի ասուլիսում պատասխանել է լրագրողի հարցին` կապւած մարտի 4-ին ԱՄՆ Ներկայացուցիչների պալատի Արտաքին յարաբերութիւնների յանձնաժողովի օրակարգ մտնող՝ Հայոց Ցեղասպանութիւնը ճանաչող բանաձեւի հետ:
«Մեր շփումները շարունակւում են: ԱՄՆ կատարած իմ վերջին այցի ընթացքում էլ ենք քննարկել այդ հարցը: Մեր մի խումբ պատգամաւոր ընկերները ներկայ պահին այդ խնդրի հետ կապւած ԱՄՆ-ում են: Մեր դիրքորոշումը յայտնի է: Շւէյցարիայում սկսւած գործընթաց կայ, որը շարունակւում է: Հաւատում եմ, որ արդիւնք կը լինի, եթէ փոխադարձաբար շարունակւեն բարի մտադրութիւնները: Եթէ մարտի 4-ին կամ ապրիլի 24-ին սխալ քայլ արւի` այս գործընթացը կը ձախողեն: Կարծում եմ կոնգրէսի անդամները այս նրբութիւնը հաշւի կառնեն»,-նշել է Թուրքիայի վարչապետը:
Լուրեր Հայաստանից
Posts
0 Պատգամ:
Post a Comment