Շնորհաւոր մարտի 8–ը
Մեծ տարածում է գտել վարկածը, որի համաձայն Կանանց միջազգային տօնի՝ մարտի 8-ի նշումը սկսւել է ցոյցից, որը 1857թ. անցկացրեցին Նիւ-Եորքի տեքստիլ արդիւնաբերութեան գործարաններում աշխատող կանայք։ Նրանք բողոքում էին աշխատանքաին վատ պայմաններից և ցածր աշխատավարձից։
1908թ. մարտի 8-ին Նիւ-Եորքի կանանց սոցիալ-դեմոկրատական կազմակերպութիւնը հանրահաւաք անցկացրեց կանանց իրաւահաւասարութեան պաստառներով և կարգախօսներով։ Այդ օրը մօտ 15000 կին երթով անցան գրեթէ ողջ քաղաքով՝ պահանջելով աշխատանքային օրւայ կրճատում, տղամարդկանց հաւասար աշխատավարձ, ինչպէս նաև ընտրութեան իրաւունքի տրամադրում։1910թ. Կլարա Ցետկինը Կանանց միջազգայի սոցիալիստական խորհրդաժողովի ժամանակ առաջարկել է կանանց միջազգային օր նշանակել։ Ենթադրւում էր, որ այդ օրը կանայք պէտք է երթեր և հանրահաւաքներ կազմակերպէին, իրենց խնդիրներին հանրութեան ուշադրութիւնը գրաւելու համար։ Մարտի 8-ը առաջարկւել է «դատարկ կաթսաների երթի» կապակցութեամբ։
Սկսած 1975թ.-ից ՄԱԿ-ը մարտի 8-ը նշում է որպէս կանանց միջազգային օր։ 1977 թ. ՄԱԿ-ի Գլխաւոր ասամբլեան պետութիւններին առաջարկել է իրենց աւանդոյթներին և սովորոյթներին համապատասխան այդ տարւայ ցանկացած օր նշանակել Կանանց իրաւունքների պայքարի միջազգային օր։ Այդ որոշումն ընդունւել է Կանանց միջազգային տարւայ, ինչպէս նաև Կանանց միջազգային տասնամեակի կապակցութեամբ (1976-1985թթ.)։
Նորանկախ Հայաստանում մի պահ այդ տօնը հանւեց օրացոյցից և սահմանւեց մայրութեան ու գեղեցկութեան օր ապրիլի 7–ին։ Յետոյ մարտի 8–ը կրկին վերականգնւեց որպէս տօնական և ոչ աշխատանքային օր։
7or.am
Posts
0 Պատգամ:
Post a Comment