Հայաստանի պաշտպանութեան նախարարութիւնը հերքում է, թէ սահմանային վիճակը լարւած է
19:40 / 05.03.2010
Հայաստանի պաշտպանութեան նախարարութիւնը հերքել է տեղեկութիւնները, թէ սահմանին լարւած իրավիճակ է:
ՊՆ տարածած հաղորդագրութեան մէջ, մասնաւորապէս ասւած է. «Որոշ լրատւամիջոցներ, չարաշահելով իրենց ընթերցողների վստահութիւնը, շարունակում են խեղաթիւրւած, իրականութեանը չհամապատասխանող լուրեր տարածել`վկայակոչելով իբր „լաւատեղեակ“, „խիստ իրազէկ“ աղբիւրներ: Տպագրելով երբեմն զաւեշտի հասնող լուրեր, մասնաւորապես, թէ „Հայաստանի տարածքով ռազմական կործանիչներ են թռել“, „հանրապետութիւնում յայտարարւած է մարտական պատրաստութիւն“, „կոնկրէտ առաջադրանքներ են տրւել պատերազմի վերսկսման հաւանականութեան համատեքստում“ եւ այլն, միտումնաւոր շիկացնում են մթնոլորտը, տագնապի մէջ գցում բնակչութեանը եւ առատօրէն „սնում“ ադրբեջանական քարոզչամեքենան:
Մարտի 5-ին պաշտպանութեան նախարար Սէյրան Օհանեանը, անդրադառնալով եւ հերքելով միանգամայն անհիմն եւ անպատասխանատու այդ յայտարարութիւնները, նշել է, որ Հայոց Բանակի զինւորն ամուր է պահում մեր հայրենիքի սահմանները»:
«Փառք Աստծոյ, հետպատերազմեան տարիներին հակամարտութեան գօտում, առանց որեւէ երրորդ ուժի միջամտութեան` համեմատելով ուժերի հաւասարակշռութիւնը, քանակական տւեալները, մարտական ոգու, մեր ստորաբաժանումների բարոյահոգեբանական բարձր մակարդակի շնորհիւ կարողանում ենք ապահովել մեր զինւած ուժերի գերազանցութիւնը հարեւան երկրի զինւած ուժերի նկատմամբ: Եւ պատրաստ ենք ցանկացած ոտնձգութեան արժանապատիւ ձեւով արձագանք տալու»,- ասել է ՀՀ պաշտպանութեան նախարարը:
ՊՆ տարածած հաղորդագրութեան մէջ, մասնաւորապէս ասւած է. «Որոշ լրատւամիջոցներ, չարաշահելով իրենց ընթերցողների վստահութիւնը, շարունակում են խեղաթիւրւած, իրականութեանը չհամապատասխանող լուրեր տարածել`վկայակոչելով իբր „լաւատեղեակ“, „խիստ իրազէկ“ աղբիւրներ: Տպագրելով երբեմն զաւեշտի հասնող լուրեր, մասնաւորապես, թէ „Հայաստանի տարածքով ռազմական կործանիչներ են թռել“, „հանրապետութիւնում յայտարարւած է մարտական պատրաստութիւն“, „կոնկրէտ առաջադրանքներ են տրւել պատերազմի վերսկսման հաւանականութեան համատեքստում“ եւ այլն, միտումնաւոր շիկացնում են մթնոլորտը, տագնապի մէջ գցում բնակչութեանը եւ առատօրէն „սնում“ ադրբեջանական քարոզչամեքենան:
Մարտի 5-ին պաշտպանութեան նախարար Սէյրան Օհանեանը, անդրադառնալով եւ հերքելով միանգամայն անհիմն եւ անպատասխանատու այդ յայտարարութիւնները, նշել է, որ Հայոց Բանակի զինւորն ամուր է պահում մեր հայրենիքի սահմանները»:
«Փառք Աստծոյ, հետպատերազմեան տարիներին հակամարտութեան գօտում, առանց որեւէ երրորդ ուժի միջամտութեան` համեմատելով ուժերի հաւասարակշռութիւնը, քանակական տւեալները, մարտական ոգու, մեր ստորաբաժանումների բարոյահոգեբանական բարձր մակարդակի շնորհիւ կարողանում ենք ապահովել մեր զինւած ուժերի գերազանցութիւնը հարեւան երկրի զինւած ուժերի նկատմամբ: Եւ պատրաստ ենք ցանկացած ոտնձգութեան արժանապատիւ ձեւով արձագանք տալու»,- ասել է ՀՀ պաշտպանութեան նախարարը:
Լուրեր Հայաստանից
Posts
0 Պատգամ:
Post a Comment